ახალგაზრდები უკეთესი მმართველობის მშენებლობისათვის

2011 წლის 28 აპრილს, ქუთაისის განათლების განვითარების და დასაქმების ცენტრის ორგანიზებით გაიმართა ახალგაზრდული ფორუმი - ახალგაზრდები უკეთესი მმართველობის მშენებლობისათვის.

ახალგაზრდული ფორუმის მუშაობაში მონაწილეობას ღებულობდნენ  ამერიკული ორგანიზაცია PH International - საქართველოს ოფისისა და ამერიკის შეერთებულიშტატების საერთაშორისო განვითარების სააგენტოს (USAID) მიერ ინიცირებულ „სამოქალაქო განათლების და პედაგოგთა გადამზადების პროგრამის“ ფარგლებშიჩართული იმერეთის საჯარო სკოლების დირექტორები,  9-12 კლასის მოსწავლეები და სამოქალაქო განათლების პედაგოგები, ახალგაზრდული სათათბიროს წევრები, სტუდენტები უმაღლესი სასწავლებლებიდან, ადგილობრივი თვითმმართველობის, არასამთავრობო ორგანიზაციებისა და მედია სამსახურების წარმომადგენლები.

ფორუმის 120-მდე მონაწილე სამუშაო ჯგუფებად დაიყო და წარმოადგინეს მათ მიერ იდენტიფიცირებული რეგიონში არსებული ახალაგზრდული პრობლემები.

ფორუმზე მუშაობის შედეგად შემუშავდება რეკომენდაციები და საპროექტო წინადადებები საქართველოს ახალგაზრდული პოლიტიკის საკითხებზე დაყრდნობით, რომელიც მომზადებულია საქართველოს სპორტისა და ახალგაზრდობის საქმეთა სამინისტროს მიერ.