გამწვანების აქცია „უკეთ შევიცნოთ ბუნება
თბილისის #126 საჯარო სკოლის სამოქალაქო კლუბის წევრებმა გამწვანების აქცია განახორციელეს. აქციის სლოგანი იყო „უკეთ შევიცნოთ ბუნება“, რომლის ფარგლებში მოსწავლეებმა ვაჟა-ფშველას ძეგლთან მდებარე სკვერი გაასუფთავეს და ნერგები დარგეს. ამ ინიციატივის განსახორციელებლად კლუბის წევრებმა მიმართეს დასახმარებლად ვაკე-საბურთალოს გამგეობას, მუნიციპალიტეტს, გარემოს დაცვის სამინისტროს, #126 სკოლის დირექტორსა და მშობლებს. გარემოს დაცვის სამინისტრომ კლუბს ნერგები, ვაკე-საბურთალოს გამგეობამ კი ადგილი ნერგების დასარგავად გამოუყო. მოსწავლეების მშობლებმა კი აქციის მონაწილეები ნიჩბებით მოამარაგეს.
22 აპრილს გამართულ გამწვანების აქციაში მონაწილეობა მიიღეს ვაკე-საბურთალოს მუნიციპალიტეტის თავმჯდომარემ, რაიონის გამგებელმა, გამგებლის მოადგილემ, სკოლის დირექტორმა, მოსწავლეებმა, მშობლებმა და კლუბის წევრებმა.