დებატების ნახევარფინალური ტურნირი
2013 წლის 26 აპრილს ქუთაისის #2 საჯარო სკოლაში, გაიმართა გურიის, სამეგრელო-ზემო სვანეთის, იმერეთისა და აჭარის დებატგუნდების რეგიონალური ნახევარფინალური დებატ ტურნირი, რომელშიც მონაწილეობდნენ ოზურგეთის #4, ქუთისის #2, 3, 41, 21, ზუგდიდის #3, GLC, ბათუმის #2, საერო ელიტარული სკოლა „გორდას“ და ქობულეთის #3 საჯარო სკოლების გუნდები.
გაიმართა სამი თამაში. კენჭისყრის შედეგად ერთმანეთს შეხვდნენ: ჩაისუბნისა და ქუთაისის #21, ზუგდიდისა და ქუთაისის სკოლების ნაკრები, ოზურგეთისა და ბათუმის და ქობულეთის სკოლების ნაკრები გუნდები.
მსაჯების გადაწყვეტილებით, ფინალური დებატ ტურნირის საგზური მოიპოვა ზუგდიდისა და ოზურგეთის დებატგუნდებმა.
ტურნირს მსაჯობდნენ: „საქართველოს დებატებისა და განათლების ინსტიტუტის“ წარმომადგენელები: თინათინ ცერცვაძე, სოფიო ვეფხვაძე; ქუთაისის განათლების განვითარების და დასაქმების ცენტრის კოორდინატორი - ნათია ნამიჭეიშვილი;
გამარჯვებული გუნდები თბილისის, რუსთავისა და დმანისის გუნდებთან ერთად 2013 წლის 10-12 მაისს დაბა ბაკურიანში მონაწილეობას მიიღებენ საქართველოს ფინალურ დებატ ტურნირში.
დებატ ტურნირი ტარდება „საქართველოს ბავშვთა ფედერაციის“ ორგანიზებით.