ამერიკელი პედაგოგები საქართველოში

2013 წლის 22–26 აპრილს სამოქალაქო განათლებისა და  პედაგოგთა გადამზადების პროგრამა მასპინძლობს ამერიკელ ექსპერტებს: ჰარვუდის საშუალო სკოლის ასოცირებულ დირექტორს ჯინ ბერტიომს და PH Intarnational-ის ერთ–ერთ პირველ დამაარსებელს, სამოქალაქო და სოციალური მეცნიერების პედაგოგს ქეთრინ ქედველს (ვერმონტის შტატი, აშშ). კონსულტაციისა და ტრენინგის ცენტრში ამერიკელი პედაგოგები სამოქალაქო განათლების მასწავლებლებს ჩაუტარებენ  სემინარებს  თემაზე – „სათემო აქტივობით სწავლა/სწავლება” და  ”პროფესიული გაზიარება”.

სამუშაო შეხვედრაში საქართველოს რეგიონებიდან 43 პედაგოგი მიიღებს მონაწილეობას. ისინი ამერიკაში კარგად ცნობილ – სათემო აქტივობით სწავლა/სწავლების მეთოდს გაეცნობიან და ამერიკელ ექსპერტებთან ერთად   შეარჩევენ იმ მოდულებს, რომლებსაც საკუთარ პედაგოგიურ პრაქტიკაში საგნის სწავლებისას გამოიყენებენ. 

გარდა ამისა, ჯინ ბერტიომი და ქეთრინ ქედველი ქართველი პედაგოგებისთვის მასტერკლასს - სამოდელო გაკვეთილს ჩაატარებენ, რომლის  ვიდეოვერსია ჩვენს პორტალზე განთავსდება.