დავასუფთაოთ მსოფლიო – დავასუფთაოთ საქართველო
2012 წლის 14 სექტემბერს „სამოქალაქო განათლებისა და პედაგოგთა გადამზადების პროგრამის“ სამეგრელო-ზემო სვანეთის პარტნიორი სკოლების სამოქალაქო კლუბების წევრები ზუგდიდში შეუერთდნენ დასუფთავების ყოველწლიურ საერთაშორისო კამპანიას – „დავასუფთაოთ მსოფლიო“.
ღონისძიებაში მონაწილეობა მიიღო ქალაქის სკოლების აქტიური კლუბების 30-მდე მოსწავლემ. მათ დაასუფთავეს ასოციაცია „ათინათის“ მიმდებარე ტერიტორია. მოსწავლეებთან ერთად აქციაში მონაწილეობა მიიღეს ორგანიზაციის ადმინისტრაციამ და მიმდებარე ტერიტორიაზე არსებულმა დაწესებულებების წარმომადგენლებმა.
ღონისძიებას ასევე შეუერთდნენ ფოთის #2 საჯარო სკოლის მოსწავლეები, რუხის საჯარო სკოლისა და აბაშის #2 საჯარო სკოლის სამოქალაქო კლუბის წევრები. მათ დაასუფთავეს თავიანთი სკოლების მიმდებარე ტერიტორიები.
ღონისძიების შესახებ ინფორმაცია გაჟღერდა რადიო „ათინათის“ ახალ ამბებში.
აქციაში სულ მონაწილეობა მიიღო პარტნიორი სკოლის 60-ზე მეტმა მოსწავლემ.
საზოგადოება „ათინათი“