ტყე- პარკის რეაბილიტაცია სოფელ ლაფანყურში
თელავის მუნიციპალიტეტის სოფელ ლაფანყურის საჯარო სკოლის სამოქალაქო კლუბის ,,უსასრულობა“ ინიციატივით განხორციელდა მცირე გრანტის პროექტი „ახალგაზრდული პარკის რეაბილიტაცია“, რომლის მიზანი იყო სოფელში არსებული ისტორიული ტყე- პარკის მოწესრიგება.
მოსწავლეთა ინიციატივას მხარი დაუჭირა თელავის მუნიციპალიტეტმა, რომელმაც აღნიშნული ტყე-პარკის რეაბილიტაციისათვის 1200 ლარი გამოყო.
თემის ტერიტორიული ორგანოს წარმომადგენლებისა და მშობლების თანამონაწილეობით მოსწავლეები აქტიურად ჩაერთვნენ ისტორიული ტყე-პარკის რეაბილიტაციაში და ტერიტორიის დასუფთავების შემდეგ დაამონტაჟეს სკამები, დადგეს სანაგვე ურნები, პარკში არსებულ ხეებზე დაკიდეს მეორე მსოფლიო ომში მონაწილე სოფლის ვეტერანთა სახელები, რითაც ისტორიული მნიშვნელობა დაუბრუნეს ტყე-პარკს.
სოფელში ისტორიული ტყე-პარკის რეაბილიტაცია ორგანიზებული იყო სამოქალაქო განათლების პროგრამის „მომავლის თაობა“ ფარგლებში, რომელსაც ახორციელებს ორგანიზაცია PH International - აშშ საერთაშორისო განვითარების სააგენტოს მხარდაჭერით.