2nd Nov

მოსწავლეები ოკუპაციის მუზეუმს ეწვივნენ

სასკოლო სამოქალაქო კლუბების წევრი მოსწავლეები შიდა ქართლის რეგიონიდან სასწავლო ვიზიტით სოფელ ერგნეთში მდებარე ოკუპაციის მუზეუმს ეწვივნენ. სოფელი ერგნეთი საქართველო-რუსეთის 2008 წლის აგვისტოს კონფლიქტის შედეგად ოკუპირებული ტერიტორიების საზღვარზე მდებარეობს. მუზეუმი განთავსებულია ომის შემდეგ გადარჩენილი სახლის სარდაფში.
მუზეუმის ექსპოზიცია მოიცავს ომის ამსახველ ფოტოებს, და დანგრეული სახლებიდან გადარჩენილ ნივთებს. მოსწავლეებს ლია ჩლაჩიძემ, გორის საკრებულოს წარმომადგენელმა უმასპინძლა. ასეთი შეხვედრები ხელს უწყობს ახალგაზრდებს უკეთ შეისწავლონ საკუთარი ქვეყნის ისტორია.